მედია და ციფრული კომუნიკაციების სააგენტო კლიპარტმა წლევანდელი 3 მარტიც დედებს განსაკუთრებული საჩუქრებით მიულოცა. წარმატებულ ქალებს, რომლებიც არანაკლებ წარმატებული დედებიც არიან, შვილების ნახატებით გაფორმებული მაისურები გადაეცათ.

2021 წელს, 3 მარტის პროექტში კლიპარტთან კომპანიები "გრანდ ელექტრონიქსი" და "ბენეფიტსი" თანამშრომლობდნენ. მათ უდიდესი წვლილი მიუძღვით დედებისათვის განსაკუთრებით დასამახსოვრებელი სიურპრიზის მოწყობაში.

ფოტო: კლიპარტ

"ჩვენთვის 3 მარტის პროექტში ჩართვა ძალიან საინტერესო გამოწვევა იყო. მივიჩნევთ, რომ ამ დღეს განსაკუთრებული მნიშვნელობა აქვს ყველა დედის ტიტულის მატარებელი ადამიანისთვის, ამიტომ გვინდოდა, მათ წლევანდელი დედის დღის მილოცვა სამუდამოდ დამახსოვრებოდათ. კონცეფცია იმდენად კეთილი და მხიარულია, ქალებს საჩუქრები აუცილებლად გაუთბობთ გულს", — განაცხადა გრანდ ელექტრონიქსის CMO-მ, ნინი ნიქაბაძემ.

კლიპარტში სიურპრიზის მზადება გასულ წელს დაიწყო. პროექტში ჩართულმა ქალებმა იცოდნენ, რომ ნახატები ციფრული გამოფენისათვის უნდა შეგროვებულიყო, რომელიც მიზნად კოვიდ პანდემიის პირობებში პატარებისათვის ხალისიანი დღის მოწყობას ისახავდა.

საბოლოოდ ღონისძიებაში მონაწილეობა 300-მდე ქალმა მიიღო. მათ ფერადი მაისური სამახსოვროდ დარჩებათ; ცხოვრების #მთავარიდიზაინერების შესრულებული ნახატები კი ყოველდღიურობას განსაკუთრებით გაულამაზებთ.

ფოტო: კლიპარტი

"ამ ასაკში წესით ბაღიდან მოაქვთ დედებისთვის მოსალოცები, გუშინ წამით გამიელვა, ჩემები ვერ მოიტანენ-მეთქი, მაგრამ ნურას უკაცრავად, სადაც კლიპარტი • ClipArt-ია, იქ ყველაფერი შესაძლებელია. მადლობა ამ საოცრებისთვის, ყოველ წელს უფრო მაოცებთ, საუკეთესოები ხართ, უკონკურენტოდ", — ამბობს ირინე არდაშელია, mshobeli.ge-ს დამფუძნებელი.

"ყოველ წელს ახერხებთ ზეკრეატიული, ემოციური და განსაკუთრებული 3 მარტი გვაჩუქოთ. სიტყვები ამ ყოფნის ამ ბედნიერების, სიხარულის გადმოსაცემად, დიდი მადლობა, ბრავოოო", — აღნიშნა ქეთი ქაროსანიძემ.

კლიპარტმა 3 მარტის განსაკუთრებულად აღნიშვნა უკვე ტრადიციად აქცია. გადადით ბმულზე, რომ ნახოთ საჩუქრები, რომლებიც დედებმა მიიღეს. მომავალ წელს კი არ გაგიკვირდეთ, თუკი ვინმე უცნაური თხოვნით დაგირეკავთ. შესაძლოა, სიაში თქვენც აღმოჩნდეთ.