ჩვენი საქართველო — სოლიდარობის ალიანსის ყოფილი წევრის, გედევან ფოფხაძის განცხადებით, ქართულმა ოცნებამ ბევრი რამ თქვა და არ გააკეთა და რატომ უნდა იყვნენ ნიკა მელიას საქმესთან დაკავშირებით თანმიმდევრულები.

"აირჩიეს კაცი პრემიერმინისტრად და პირველი დაიწყოს იმით, რომ დაღვაროს ქართველი ხალხის სისხლი, იმედი მაქვს, რომ ამაზე წამსვლელები არ არიან. ქართულმა ოცნებამ ბევრი რამ თქვა და არ გააკეთა, შესაბამისად, რაღა მაინც და მაინც ამ შემთხვევაში უნდა იყვნენ თანმიმდევრულები. მე მგონია, რომ ეს იმდენად ბევრ რისკებთანაა დაკავშირებული და ისეთი ცუდი შედეგი შეიძლება ქვეყნისთვის მოიტანოს, რომ უნდა თავი შეიკავოს ყველგან მსგავსი ქმედებისგან", — განაცხადა ფოფხაძემ.

პრემიერმინისტრმა, ირაკლი ღარიბაშვილმა დღეს განაცხადა, რომ ერთიანი ნაციონალური მოძრაობის თავმჯდომარე, ნიკა მელია "ვერ დაემალება მართლმსაჯულებას" და კანონი აღსრულდება.