ქართული ოცნების აღმასრულებელი მდივანი, მამუკა მდინარაძე აცხადებს, რომ ოპოზიცია 25 თებერვალს დაგეგმილ აქციას ისედაც ვერ ჩაატარებდა და ეს არ შეიძლება ჩაითვალოს კომპრომისად მათი მხრიდან.

"კომპრომისი არ ყოფილა თურმე საარჩევნო რეფორმა, ისტორიული, უპრეცედენტო და პრაქტიკულად ყველაფერი გავითვალისწინეთ, რაც კი შენიშვნების მსგავსი ჰქონდათ; კომპრომისი არ ყოფილა თურმე რიგგარეშე არჩევნებზე დათანხმება იმ შემთხვევაში, ერთპროცენტიანი გადახრა თუ იქნება ჩვენს სასარგებლოდ; კომპრომისი ყოფილა იმ აქციის გაუქმება, რომელსაც ისედაც ვერ აკეთებდნენ", — განაცხადა მამუკა მდინარაძემ.

გუშინ, 21 თებერვალს ცნობილი გახდა, რომ ოპოზიციამ 25 თებერვალს დაანონსებული აქციის გადადების გადაწყვეტილება მიიღო. ნაციონალური მოძრაობის ერთ-ერთმა ლიდერმა, ხატია დეკანოიძემ განაცხადა, რომ მოლაპარაკებების შეთავაზების პარალელურად მზად არიან კიდევ მისცენ ვადა ხელისუფლებას და შესაძლო კომპრომისის მოლოდინში აქცია გადადონ.

გაიგეთ მეტი: