დედა - ასე ჰქვია დარენ არანოვსკის ახალ ფილმს, სადაც მთავარ როლებს ჯენიფერ ლოურენსი, მიშელ ფაიფერი, ედ ჰარისი და ხავიერ ბარდემი შეასრულებენ.

მიშელ ფაიფერი ხანგრძლივი პაუზის შემდეგ აქტიურად უბრუნდება კინოკარიერას. ის აგატა კრისტის დეტექტივის ეკრანიზაციაშიც მიიიღებს მონაწილეობას. მიშელი აქამდე სამჯერ იყო წარდგენილი ოსკარზე, თუმცა კინოაკადემიის მთავარი პრიზი ვერ აიღო. ვნახოთ, იქნებ ამ ორი პროექტიდან რომელიმე აღმოჩნდეს მისთვის განსაკუთრებულად იღბლიანი.

რაც შეეხება დედას, ფილმის სიუჟეტი ერთი ოჯახის გარშემო ვითარდება, რომლის სიმყუდროვესაც დაუპატიჟებელი სტუმრები არღვევენ და მათ მშვიდ ცხოვრებას წერტილს უსვამენ.

არანოვსკი კინოსურათს კანადაში, კვებეკში გადაიღებს. პრემიერა ოქტომბერში იგეგმება.