ევროპული საქართველოს ლიდერის, დავით ბაქრაძის განცხადებით, დღეს პარტიაში იმსჯელებენ იამზე, თუ რა ტიპის ცვლილებები უნდა მოხდეს. მისი თქმით, პარტიაში ცვლილებები და განახლება აუცილებელია. ამის შესახებ მან ევროპულ საქართველოში მიმდინარე შეხვედრის დაწყებამდე ისაუბრა.

"დღეს პარტიაში იქნება შეხვედრა გაფართოებული შემადგენლობით, რომელსაც დაესწრებიან ჩვენი რეგიონული ლიდერებიც. ყველა ვიმსჯელებთ იმაზე, რა ტიპის ცვლილებები უნდა მოხდეს პარტიაში. ცვლილებები აუცილებელია. მათ შორის, ეს უნდა მოიცავდეს განახლებას. მათ შორის, საჭიროა პერსონალური გადაწყვეტილებების მიღება განახლებასთან დაკავშირებით. ყველაფერზე კონკრეტულად მოგახსენებთ შეხვედრის შემდეგ", — განაცხადა მან.

ევროპული საქართველოს ოფისში პარტიის წევრები და ლიდერები იკრიბებიან. როგორც ცნობილია პარტიაში სტრუქტურული ცვლილებები იგეგმება, თუმცა რა სახის, ჯერ უცნობია.

ევროპულ საქართველოში დაგეგმილი სტრუქტურული ცვლილებების შესახებ ინფორმაცია On.ge-მ 9 თებერვალს მოიპოვა. გავრცელებული ინფორმაცია, რომ პარტია შესაძლოა დავით ბაქრაძემ დატოვოს, არც თავად მას დ არც პარტიის სხვა ლიდერებს არ დაუდასტურებიათ. თუმცა, ისინი ადასტურებენ, რომ 2020 წლის საპარლამენტო არჩევნების შემდეგ პარტიაში ცვლილებებზე დაიწყეს საუბარი.

გაიგეთ მეტი: