აცანა-მამათის გზაზე მომხდარ ავტოსაგზაო შემთხვევას ერთი ადამიანის სიცოცხლე ემსხვერპლა. არსებული ინფორმაციით, მანქანაში ოჯახის 5 წევრი იმყოფებოდა. დაიღუპა კაცი, ცოლი და შვილები კი დაშავდნენ. ისინი ლანჩხუთის კლინიკა მედალფაში არიან გადაყვანილები. როგორც კლინიკაში On.ge-ს უთხრეს, 14 გოგოს მარცხენა ლავიწის ძვლის მოტეხილობა აღენიშნება, ხოლო ოჯახის სხვა წევრები მსუბუქად არიან დაშავებულნი.

შინაგან საქმეთა სამინისტროს ცნობით, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.