კავკასიის ბარომეტრის(CRRC) მიერ ჩატარებული კვლევის მიხედვით, გამოკითხულთა 45% ფიქრობს, რომ ქვეყანა პანდემიას გარკვეულწილად კარგად, 11% მიიჩნევს, რომ კარგად გაუმკლავდა.

24%-ს მიაჩნია, რომ პანდემიას ქვეყანა გარკვეულწილად ცუდად, 14%- კი ფიქრობს, რომ ცუდად გაუმკლავდა. 7% ან არ აფიქსირებს პასუხს, ან ამბობს, რომ არ იცის.

ფოტო: CRRC

რაც შეეხება ქვეყანაში კორონავირუსის წინააღმდეგ დაწესებულ შეზღუდვებზე აზრს, გამოკითხულთა 56% შეზღუდვების დაწესების მომხრეა, 34%-ს მათი მოხსნა სურს, პასუხზე უარს აცხადებს, ან ამბობს, რომ არ იცის 10%.

ფოტო: CRRC

CRRC საქართველომ კვლევა 2020 წლის 8-14 დეკემბერს ჩაატარა. ორგანიზაციის ცნობით, სატელეფონო ინტერვიუების მეშვეობით გამოკითხულია ე.წ. შემთხვევითი ნომრების გენერირების პრინციპით (Random Digit Dial) ამორჩეული 1 504 რესპონდენტი. ინტერვიუები ჩატარდა აზერბაიჯანულ, სომხურ, რუსულ და ქართულ ენებზე და გამოპასუხების დონე 29%-ს შეადგენს. ცდომილების ზღვარი კი +/-0,7%-დან +/-7,4%-მდე მერყეობს.