პარლამენტში ქართული ოცნების დეპუტატი, ბექა ლილუაშვილი ამბობს, რომ უფრო პრობლემური იქნება, თუ ახლა ზამთრის კურორტები გაიხსნება და ეპიდემიოლოგიური ვითარების გამო შემდგომში, ზაფხულის კურორტების დაკეტვა მოუწევთ. ამის შესახებ მან იმედის ეთერში ისაუბრა.

ლილუაშვილი ამბობს, რომ ესმით ზამთრის კურორტების მძიმე მდგომარეობა, მაგრამ "ეროვნული ინტერესები" უნდა გავითვალისწინოთ.

"ბევრად უფრო პრობლემური იქნება, ჩვენ თუ ახლა გავხსნით ზამთრის კურორტს და შემდეგ, ეპიდემიოლოგიური მდგომარეობის შესაბამისად, ვეღარ შევძლებთ, რომ შევინარჩუნოთ ზაფხულის კურორტები და მოგვიწიოს მთელი ზაფხულის განმავლობაში კურორტების დახურვა. ეს არის ის ალტერნატიული ღირებულება დღეს ზამთრის კურორტების და ყველა ეკონომიკური აქტივობის გახსნის, ამიტომ ვართ ასეთი ფრთხილები", — განაცხადა დეპუტატმა.

ზამთრის კურორტებისა და სათხილამურო ტურიზმის წარმომადგენლების სეზონის გახსნას მოითხოვენ. აღნიშნულ საკითხზე შეხვედრა დღეს სფეროს წარმომადგენლებს, გადაწყვეტილების მიმღებ პირებსა და ეპიდემიოლოგებს შორის გაიმართა. სფეროს წარმომადგენლები სათხილამურო კურორტების გახსნას ითხოვენ, ვინაიდან 1 თვის შემდეგ მათთვის მუშაობა უკვე აღარ იქნება შესაძლებელი. თუმცა ხელისუფლების წარმომადგენლები აცხადებენ, რომ ეპიდემიოლოგიური ვითარებიდან გამომდინარე ამ ეტაპზე ეს შეუძლებელია.

გაიგეთ მეტი: