ნივთების დაკარგვა ადამიანების სენია. არიან ადამიანები, ვინც ამით ნაკლებად იტანჯებიან, მაგრამ ზოგისთვის ეს ნამდვილი ჯოჯოხეთია.

უცნაურია, მაგრამ ადამიანები ხშირად ნივთებს საკუთარ სახლებშიც ვკარგავთ. მობილური თუ სადმე დავდეთ და მიგვავიწყდა, შეგვიძლია დავრეკოთ და ხმით მივაგნოთ. გასაღების და ტელევიზორის პულტის ძებნაც უკვე შეჩვეული რუტინაა, მაგრამ რა ქნას ადამიანმა, რომელსაც მხედველობის პრობლემა აქვს და ამასთან სათვალეს კარგავს?

ამ შეკითხვაზე პასუხი Foxmart-ს აქვს. სულ ცოტა ხნის წინ, მათ წარადგინეს ახალი მინიატურული ტექნოლოგია, Findy — სათვალის საძიებელი, რომელშიც ბლუთუზის სისტემაა ჩაშენებული. Findy სიგრძეში 28, ხოლო სიგანეში 5 მილიმეტრია.

როგორ გამოვიყენოთ ის? მას უბრალოდ თქვენი სათვალის ჩარჩოს ამაგრებთ და საჭიროების შემთხვევაში მობილურის სპეციალური აპლიკაციით უკავშირდებით. დაკავშირების შემდეგ, დანადგარი ხმას გამოსცემს და სათვალის პოვნა აღარ გაგიჭირდებათ. მთავარია სათვალე ძალიან შორსაც არ წაიღოთ, ბლუთუზის სისტემა 100 მეტრის დიაპაზონზე მოქმედებს.

თუმცა, 100 მეტრის ლიმიტი ნუ შეგაშინებთ, ხმას ვერ გაიგონებთ, მაგრამ აპლიკაციით სათვალის ლოკაციაზე ინფორმაციის მოძიებაც შეგეძლებათ.

ჩნდება შეკითხვა, ეს ყველაფერი კარგი, მაგრამ სათვალის ჩარჩოზე მიმაგრებული ეს ხელსაწყო დისკომფორტს ხომ არ შეგვიქმნის? როგორც შემქმნელები ამბობენ, მათი ტექნოლოგია იმდენად პატარაა, რომ ის სათვალის მფლობელისთვის სრულიად შეუმჩნეველი იქნება.

ვნახოთ რა იქნება შემდეგში, როგორც ჩანს, სათვალის დაკარგვის პრობლემა უკვე გადავჭერით.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.