ინდოეთში, ვაქცინის მწარმოებელ ყველაზე დიდ ქარხანაში ხანძარი იყო. შემთხვევას 5 ადამიანის სიცოცხლე ემსხვერპლა. ამის შესახებ ინფორმაციას BBC ავრცელებს.

"ახლახანს გავიგეთ შემაშფოთებელი სიახლე. შემდგომი გამოძიებით დავადგინეთ, რომ ინციდენტის შედეგად რამდენიმე ადამიანი დავკარგეთ", — განაცხადა ქარხნის დირექტორმა.

მისივე თქმით, ქარხანაში ოქსფორდის AstraZeneca-ს ვაქცინას აწარმოებდნენ, თუმცა ხანძარს მის წარმოებაზე გავლენა არ ექნება და სამუშაოს ჩვეულ რეჟიმში გააგრძელებენ. მედიის ცნობით, ხანძრის გამომწვევი მიზეზი, ჯერჯერობით, უცნობია.