Efma და მასტერქარდი 2021 წელს პირველად გამოავლენენ წლის საუკეთესო SME ბანკს და საუკეთესო SME ბანკირს. დაჯილდოებაში Efma-მ თიბისი და თიბისის გენერალური დირექტორის მოადგილე, ნიკა ქურდიანი წარადგინა.

თიბისი წლის საუკეთესო SME ბანკის ნომინაციაში მსოფლიოს ისეთ დიდ და წარმატებულ ფინანსურ ინსტიტუტებთან ერთადაა წარდგენილი, როგორებიც არიან: Barclays UK, Banco Itau Brazil, Swedband Sweden და ა.შ. ნიკა ქურდიანი კი წლის საუკეთესო SME ბანკირებს შორის დასახელდა. მსოფლიოს წამყვანი ბანკებიდან სულ ნომინირებულია 7 კანდიდატი.

დაწესებული ჯილდოები მსოფლიოს SME ინდუსტრიის ყველაზე ინოვაციურ მოთამაშეს გადაეცემა, შესაბამისად, ეს აღიარება ამ ინსტიტუტების გლობალურ ინოვაციურ ლიდერებად წარმოჩენას შეუწყობს ხელს.

კატეგორიაში "საუკეთესო SME ბანკირი" კანდიდატები მცირე და საშუალო ბიზნეს ინდუსტრიაში გაწეული სამუშაოსა და სხვა ისეთი კრიტერიუმების მიხედვით შეირჩნენ, როგორებიცაა ინოვაციები, ბიზნეს ინიციატივები, ბიზნესის შედეგები და ა.შ. ასევე, მხედველობაში მიიღებულ იქნა ფინანსური ინსტიტუტის ზომა, ბაზრის წილი და ბაზარზე არსებობის ისტორია.

"ჩვენთვის ძალიან სასიხარულოა Efma-ს და მასტერქარდის მიერ ნიკა ქურდიანის საუკეთესო SME ბანკირის, ხოლო თიბისის საუკეთესო SME ბანკის ნომინაციაში დასახელება. ამით ევროპის ფინანსებისა და მარკეტინგის ასოციაცია ერთგვარად აფასებს იმ ინოვაციებს და ბიზნეს ინიციატივებს, რომლებიც მსოფლიოს წამყვანმა ფინანსურმა ინსტიტუტებმა დანერგეს ბაზარზე მცირე და საშუალო ბიზნესის გაძლიერებისთვის. ასეთ მსხვილ და გავლენიან ბანკებს შორის თიბისის დასახელება არის იმის აღიარება, რაც ნიკა ქურდიანმა და თიბისის გუნდმა დაუღალავი შრომის შედეგად გააკეთეს მცირე და საშუალო ბიზნესის მხარდასაჭერად 2020 წელს", — ამბობს ვახტანგ ბუცხრიკიძე, თიბისის გენერალური დირექტორი.

ნიკა ქურდიანი თიბისიში მცირე და საშუალო ბიზნეს მიმართულებას 2015 წლიდან ხელმძღვანელობს. იქამდე მან სხვადასხვა პოზიციაზე იმუშავა ავსტრიის UniCredit Group-ში ავსტრიაში, თურქეთსა და ყაზახეთში. ამჟამად ის ასევე იკავებს TBC Uzbekistan-ის სამეთვალყურეო საბჭოს თავმჯდომარის პოზიციას.

გამარჯვებული ონლაინ ხმის მიცემით გამოვლინდება. ხმის მიცემა 28 იანვრამდე შემდეგ ლინკზე efma.com იქნება შესაძლებელი.