გირჩის ერთ-ერთი ლიდერის, იაგო ხვიჩიას განცხადებით, მას არაფერი გაუკეთებია იმისთვის, რომ რომელიმე ოპოზიციონერს ან ოპოზიციურ პარტიას მისთვის არაოპოზიციურობის დაბრალება შეეძლოს ლეგიტიმურად.

"ჩემი პარტნიორი, ჩემი აზრით, როგორც ალეკო ელისაშვილია ოპოზიციაში, ისე არის დანარჩენი ოპოზიციური პარტიები. მე ვმოძრაობ ოპოზიციასთან ერთად, მე არ ვიცი დანარჩენ ოპოზიციას რა აქვს თავში, მაგრამ მე არაფერი გამიკეთებია იმისთვის, რომ რომელიმე ოპოზიციონერს ან ოპოზიციურ პარტიას ჩემთვის არაოპოზიციურობის დაბრალება შეეძლოს ლეგიტიმურად. შესაბამისად, მე ოპოზიციასთან ერთად ვმოძრაობ. ამ ოპოზიციის წევრად მიმაჩნია ბატონი ელისაშვილიც და საწინააღმდეგო ჩემთვის არავის არ დაუმტკიცებია და მინიმუმ ვერავინ ვერ დაამტკიცებს, სანამ ელისაშვილი პარლამენტში არ არის. ეს ყველაზე მინიმალური სტანდარტი რომ ავიღოთ, შეიძლება, ვერც დაამტკიცოს ვერავინ", — განაცხადა ხვიჩიამ ფორმულას ეთერში.

მე-10 მოწვევის პარლამენტმა ოფიციალურად მუშაობა 11 დეკემბერს დაიწყო. პარალელურად კი, ბარიერგადალახულმა ოპოზიციურმა პარტიებმა საკუთარ მანდატებზე უარი თქვეს. ქართული ოცნება ამბობს, რომ ყველა ასეთ პარტიას მანდატები გაუუქმდება, ხოლო დაფინანსება შეუწყდება. პარტია მოქალაქეები და გირჩი სანამ ბოიკოტის რეჟიმში არიან, დაფინანსებაზე უარს ამბობენ.