თბილისის მერის, კახა კალაძის განცხადებით, მისი ერთადერთი ძლიერი მხარე "საზოგადოების და ქართველი ხალხის დამოკიდებულება" და ის სიყვარულია, რასაც წლების განმავლობაში გრძნობდა. ამის შესახებ მან გადაცემა დღის Newsroom-ში ისაუბრა.

"ერთადერთი ჩემი ძლიერი მხარე, რაც არის ეს არის საზოგადოების და ქართველი ხალხის დამოკიდებულება ჩემ მიმართ. ეს სიყვარული, რასაც მე წლების განმავლობაში ვგრძნობ. ეს არის ძალიან დიდი ბენეფიტი ჩემთვის და ამ ყველაფერს ძალიან ვუფრთხილდები", — განაცხადა კალაძემ.

კალაძე, ასევე, უარყოფს ქართულ ოცნებაში არსებულ კლანებზე გავრცელებულ ინფორმაციას და ამბობს, რომ ეს კონკრეტული ტელევიზიებისა და ოპოზიციური პარტიების მიზანმიმართული პროპაგანდაა. მისი თქმით, ყველამ თავის პარტიას უნდა "მიხედოს", ხოლო ქართული ოცნება თავად მიხედავს თავს და "ღირსეულად" უპასუხებს ქვეყანაში არსებულ გამოწვევებს.