შრომის ინსპექციის დეპარტამენტის უფროსის, ბექა ფერაძის თქმით, ბოლო 24 საათის განმავლობაში 318 ობიექტი პრევენციის მიზნით რეგულაციებთან დაკავშირებით ზეპირსიტივერად გააფრთხილეს.

"გასული 24 საათის განმავლობაში შემოწმდა და 318 ობიექტი და გაიცა პრევენციის მიზნით ზეპირსიტყვიერი გაფრთხილება. ზოგად სტატისტიკას, რაც შეეხება 2020 წლის ნოემბრიდან 2021 წლის 12 იანვრის საანგარიშო პეირიოდში შემოწმდა 47 435 კომპანია, ამათგან 25 913 კომპანიის მიმართ განხორციელდა ცნობიერების ამაღლება იმისთვის, რომ რეკომენდაციების დაცვა მაქსიმალურად იყოს გააზრებული", — ამბობს ფერაძე.

კორონავირუსის შემთხვევების ზრდის გამო, ნოემბრის ბოლოდან ქვეყანაში შეზღუდულია ზოგიერთი ბიზნესსაქმიანობა: მათ შორის დახურულია სავაჭრო ცენტრები, ბარ-რესტორნები და მაღაზიები. მუშაობას სასურსათო, ზოომაღაზიები და პირველადი დანიშნულების მაღაზიები აგრძელებენ.