2017 წლის ევროვიზიის საბავშვო კონკურსი საქართველოში გაიმართება, აღნიშნულთან დაკავშირებით დღეს, 1 თებერვალს 12 საათზე, საზოგადოებრივი მაუწყებლის პრესცენტრში პრესკონფერენცია გაიმართება. ამის შესახებ, საზოგადოებრივი მაუწყებელი ავრცელებს ინფორმაციას. მათივე ცნობით, საბავშვო ევროვიზიის პროექტს სერგი გვარჯალაძე უხელმძღვანელებს.

საბავშვო ევროფესტივალის რიგით მე-14 კონკურსზე მარიამ მამადაშვილმა გამარჯვება და 239 ქულა მოიპოვა, მაუწყებლის განცხადებით, სწორედ ამის შემდეგ მათ ევროპის მაუწყებელთა კავშირისგან მიიღეს შეთავზება 2017 წლის საბავშვო ევროფესტივალის საქართველოში ჩატარების შესახებ.

საქართველომ საბავშვო ევროვიზიის სიმღერის კონკურსში პირველად გამარჯვება 2008 წელს მოიპოვა, როცა ჯგუფმა "ბზიკებმა" კვიპროსის ქალაქ ლიმასოლში პირველი ადგილი დაიმსახურა. მეორედ, 2011 წელს ჯგუფი Candy, სიმღერით Candy Music საბავშვო ევროვიზიის ფინალისტი გახდა.