რატომ და როგორ უნდა დაიცვათ თქვენი შინაური ცხოველები ახალი წლის ღამეს
აბრახუნებენ თქვენთანაც? ალბათ კი. ახალი წელი მოდის, ბოლოს და ბოლოს.
შინაური ცხოველების პატრონებმა კარგად იციან იმ საშიშროების შესახებ, რომელიც ახალი წლის მოახლოებისას და, განსაკუთრებით, 31 დეკემბრის ღამის დადგომისას ემუქრებათ მათ ოთხფეხა მეგობრებს. მრავალფერად განათებული ცა და ბათქაბუთქი, რომელსაც ყიჟინაც თან ახლავს, შესაძლოა, ბევრისთვის ბედნიერ წუთებს უდრიდეს, თუმცა ფორმა რომლითაც, ძველ წელს, მით უმეტეს ისეთს, როგორიც 2020 იყო, ვაცილებთ, კატებსა და ძაღლებში ხანგრძლივ სტრესსა და შფოთვას უკავშირდება.
ფეიერვერკის ხმა, როგორც წესი, თოფის გასროლასაც კი აღემატება დეციბელებში, რომელიც ბგერის ხმამაღლობის საზომია. რაც შეეხება სიხშირეს, აკუსტიკური, ანუ სმენადი ბგერების მაჩვენებელი ადამიანისათვის 16 ჰერცსა და 20 ათას ჰერცს შორისაა მოთავსებული. ეს მონაცემი ორჯერ და ზოგჯერ სამჯერ უფრო დიდი რიცხვია ძაღლებისათვის, რომელთა მძაფრ სმენადობასაც 45 ათასიდან 65 ათას ჰერცამდე ბგერების აღქმა შეუძლია, შესაბამისად, ადვილი წარმოსადგენია, რამდენად უფრო საშიშია 31 დეკემბრის ღამე მათთვის, მით უმეტეს, მაშინ, როცა სტატისტიკურად ძაღლების 40 პროცენტს ხმამაღალი ბგერების ეშინია, ლეკვობისას კი პოსტტრავმული სტრესი უფრო მძაფრი და ხანგრძლივია.
და მაინც — ნაკლებსავარაუდოა, ადამიანებმა, მათ შორის, ალბათ შინაური ცხოველის ზოგიერთმა პატრონმა, უარი თქვას ახალი წლის ფეიერვერკის გარეშე აღნიშვნაზე. სხვა თუ არაფერი, თქვენი მეზობლები ნამდვილად არ იტყვიან უარს. რადგან ხმაუგაუმტარი სახლის შეძენა ყველასთვის ხელმისაწვდომი არ არის, მნიშვნელოვანია, წინასაახალწლო დღეები ცუგების და ფისოების შესამზადებლად გამოიყენოთ, ახალი წლის ღამეს კი განსაკუთრებული ყურადღება მიაქციოთ სახლში მყოფ, დიდი ალბათობით, კუთხეში გაყურსულ ცხოველებს.
პატრონების უმეტესობა, ძაღლებს ალბათ საღამოობით ასეირნებს, ერთი ღამით მოხსნილი გადაადგილების შეზღუდვის გამო კი ბევრმა, შესაძლოა, ჩვეულ დროზე გვიან გასვლაც გადაწყვიტოს. რადგან 31 დეკემბერს ასაფეთქებლების ხმა ადრეული საღამოდან ისმის, უმჯობესი იქნება, გასეირნების აუცილებლობის შემთხვევაში, ეს დღის პირველ ნახევარში მოახერხოთ. უნდა ეცადოთ, მოსაღამოებისას სახლში გყავდეთ დაგულებული ძაღლიც და კატაც — ქუჩა-ქუჩა წანწალის მოყვარულმა ფისოებმა, განსაკუთრებით, მათ ვინც, პირველად ხვდება ახალ წელს, არ იცის, რას შეიძლება, ამ დღისგან ელოდოს, ამიტომ აუცილებლად მოძებნეთ იგი და თუ საჭირო გახდა, "ქეჩოთიც წამოათრიეთ" შინ.
აღსანიშნავია ისიც, რომ სეირნობით გადაღლილი ცხოველები უფრო მოდუნებულები და მშვიდები არიან, შესაბამისად, გარეთ ადრე და ხანგრძლივად გასაყვანად ეს კიდევ ერთი მიზეზია.
მნიშვნელოვანია ახალ წლამდე მოსამზადებელი პერიოდიც. თუკი თქვენი მეგობარი გასეირნებას გვიან საღამოს არის მიჩვეული, წინა დღეებში ეცადეთ, ადრე გაიყვანოთ, რომ ეს არ ეუცხოვოს. მუდმივად იზრუნეთ მის განწყობაზე და არასდროს დატოვოთ მარტო, განსაკუთრებით, 31 დეკემბერს.
უშუალოდ ახალი წლის წინა დღეს ყველაზე მნიშვნელოვანია, მუდმივად დაკავებული იყოს, საღამოს მოახლოებისას კი შექმენით ბევრი საშუალება, რომლითაც ყურადღებას გადაატანინებთ. ეთამაშეთ, წაახალისეთ სასუსნავით, დღის განმავლობაში ჩართული გქონდეთ მშვიდი მუსიკა ან ტელევიზორი და ყურადღება მიაქციეთ, სეირნობიდან დაბრუნების შემდეგ არ გავიდეს გარეთ, არ მიუახლოვდეს აივანსა და ფანჯარას.
მოსაღამოებისას, სასურველია, კაშკაშა სინათლის დასაფარად ფარდები ჩამოაფაროთ და ბევრი დასამალი ადგილიც შექმნათ სხვადასხვა ოთახში, რათა თუკი მაინც იმოქმედებს ფეირვერკის ხმა მასზე ემოციურად, თავშესაფარი ადვილად მოძებნოს; თუმცა, ამ დროსაც არ დატოვოთ იგი მარტო, მასთან ერთად დარჩით და ფეიერვერკის ხმის გადასაფარი საშუალების თანხლებით გაართეთ.
აუცილებელია, მსგავსი თერაპიული პროცესი გაიმეოროთ ახალი წლის შემდგომ დღეებშიც, როცა, როგორც წესი, სტრესული ღამისგან შემორჩენილი შფოთვა იჩენს თავს, ცხოველები კი ყველანაირ ხმას უფრთხიან.
დაბოლოს, არ დაგავიწყდეთ ის ნეგატიური შედეგები, რომლებიც პიროტექნიკის მოხმარებას ახლავს თან. ეს ეხება არა მხოლოდ ტრაგიკულ შემთხვევებსა და თვითდაშავებებს ახალი წლის ღამეს, არამედ ფეიერვერკების გავლენას ველურ ბუნებაზეც — ცნობილია, რომ მასშტაბური და ხმაურიანი შოუს გამო უამრავი ცხოველი ტოვებს საკუთარ საცხოვრებელს და გარბის. იხოცება ბევრი მათგანიც, ხოლო არცთუ იშვიათ შემთხვევებში ჩნდება ხანძარი, რომელიც მათ ბუნებრივ სამყოფელს ანადგურებს. შინაური ცხოველების მსგავსად სტრესულია ფეიერვერკების ხმა ფრინველებისა და გარეული ცხოველებისთვისაც, უშუალო შესწრებისას კი, შესაძლოა, მათი მხედველობის ან სმენადობის დაზიანება გამოიწვიოს.
საგულისხმოა პიროტექნიკული საშუალებების შედეგად ჰაერის დაბინძურება. ქიმიური ნივთიერები, რომლებიც "ლამაზი შოუს" დროს გამოიყოფა, ზიანის მომტანია ოზონის შრისთვისაც. საბოლოოდ კი, ამ გარემოებების გათვალისწინებით, ალბათ ღირს დაფიქრება, საჭიროა თუ არა ახალი წელი ფეიერვერკით აღვნიშნოთ?
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვადაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA დაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაშესაძლოა, არამიწიერი სიცოცხლე იისფერი ბაქტერიების სახით არსებობდეს შესაძლოა, არამიწიერი სიცოცხლე იისფერი ბაქტერიების სახით არსებობდეს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
კომენტარები