საქართველოს პრემიერმინისტრის, გიორგი გახარიას განცხადებით, ოპოზიცია რევოლუციურ სცენარს ტყუილად ელოდება. გახარიას თქმით, საქართველოს მოსახლეობის უმრავლესობამ არჩევნებში პოლიტიკურ პარტიებთან ერთად ხმა საკითხების პარლამენტში განხილვას მისცა.

"როდესაც საუბრობენ წარმოუდგენელ სცენარებზე და იმედი აქვთ, რომ რაღაც წარმოუდგენელი სცენარები რევოლუციურ განვითარებამდე მიიყვანენ, ტყუილია ეს. ტყუილად ელოდებიან. იმიტომ რომ, საქართველოს ორმა მილიონმა მოქალაქემ განა მარტო ჩვენ და ოპოზიციას მისცა ხმა, მან ხმა მისცა იმას, რომ ქვეყნის პოლიტიკა უნდა კეთდებოდეს და წყდებოდეს პარლამენტში და არა ქუჩაში", — განაცხადა გახარია.

ერთპარტიულმა პარლამენტმა დღეს, 24 დეკემბერს საქართველოს მთავრობა დაამტკიცა. 85 მომხრე და 0 წინააღმდეგი — ეს შედეგი მიიღო ქართული ოცნების მთავრობამ მისივე წევრებით დაკომპლექტებული პარლამენტისგან.