ევროპული საქართველოს ლიდერის, გიგა ბოკერიას განაცხადებით, ხელისუფლებამ რევოლუციური გზით მოქმედების არჩევანი დაუტოვათ, რაც არ სუთ. მისი თქმით, შექმნილი პოლიტიკური კრიზისიდან ერთადერთი სწორი გზა — ვადამდელი, ნორმალური არჩევნებია.

"ავტორიტარული სულ იყოს ივანიშვილის რეჟიმი, მაგრამ ავტორიტარიზმს აქვს სხვადასხვა ხარისხი და უკვე იმ ფაზაში გადავიდა, როცა ძალიან სახიფათო ზღვარზე ვართ, თუ საზოგადოება ეგუება სტაგნაციისა და დიქტატურისკენ სვლის. ან დაგვიტოვა საზოგადოებას არჩევანი რევოლუციური გზით ვიმოქმედოთ, იმიტომ რომ არჩევნები არ არის. ჩვენ პირველს ხომ არ შევეგუებით და მეორე არ გვინდა", — განაცხადა ბოკერიამ TV პირველის ეთერში.

18 დეკემბერს, მელიამ განაცხადა, რომ ხელახალი არჩევნები არის უცვლელი მოთხოვნა და ეს არ გადაიხედება და პროტესტი გადაიზრდება უკმაყოფილებაში, "ტრანსფორმირდება შეიძლება, მათ შორის, მშვიდობიან რევოლუციაში".

მისივე თქმით, საპროტესტო აქციებისთვის მზადების პროცესი დაიწყება, თუ მათი მოთხოვნა არ შესრულდება.

31 ოქტომბერს გამართული საპარლამენტო არჩევნების შედეგებს ოპოზიცია არ აღიარებს. მათ უარი თქვეს მეორე ტურში მონაწილეობაზე და არც პარლამენტში შესვლას აპირებენ.

პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიციურ პარტიებს შორის მოლაპარაკებები მიმდინარეობს. ოპოზიცია მოითხოვს ჩატარდეს რიგგარეშე არჩევნები, გათავისუფლდნენ პოლიტპატიმრები და გადადგეს ცენტრალური საარჩევნო კომისიის თავმჯდომარე, თამარ ჟვანია.