გირჩის ერთ-ერთმა ლიდერმა, იაგო ხვიჩიამ ზურაბ ჯაფარიძის განცხადებაზე, სიების ჩახსნასთან დაკავშირებით აღნიშნა, რომ თუ ჯაფარიძეს მათგან პოლიტიკური გამიჯვნა უნდა, შეუძლია, გააკეთოს ის, რაც სურს. ამის შესახებ მან TV პირველის ეთერში ისაუბრა.

"ზურაბ ჯაფარიძემ ზუსტად იცის, მე რასაც ვაკეთებ. ისიც იცის, რომ პირველივე დღიდან რასაც ვაკეთებდით, იმის გაგრძელებაა ეს. მას თუ, იმის გამო, რომ პოლიტიკური გამიჯვნა უნდა ჩვენგან და უფრო მაგარ ოპოზიციონერად უნდა გაეძროს, ამ მიზნით შეუძლია, თვითონ გააკეთოს, რაც უნდა. მე ამასთან დაკავშირებით მას არ დავუშლი, მაგრამ გირჩს აქვს ჩამოყალიბებული თავისი სწორი პოზიცია — ძალიან მორალურად გამართული, ფაქტობრივად, უნაკლო. მიუხედავად იმისა, რომ ეს არ მოსწონს არცერთ ჩემს კოლეგას ოპოზიციიდან, ისინი ვერ მაკრიტიკებენ და ვერ იძახიან იმას, რომ ჩვენ ვინმეს შევეკარით ან შემოვეკარით", — განაცხადა იაგო ხვიჩიამ.