საქართველოს პრეზიდენტის, სალომე ზურაბიშვილის თქმით, ჯარსა და უმაღლეს მთავარსარდალს შორის უნდობლობის დათესვა ჯარის დემორალიზაციას ემსახურება. პრეზიდენტის თქმით, ქვეყანაში თავს ესხმიან ინსტიტუტებს: პატრიარქს, ეკლესიას, პოლიციას, სასამართლოს და პრეზიდენტს.

"ჯარი, რომელიც სახელმწიფოს საყრდენია, ღირსებისა და ეროვნული სულისკვეთების განსახიერებაა. საქართველოს ხვალინდელი დღე სწორედ ღირსეულ, თანამდროვე და ძლიერ ჯარზე გადის. ამდენად, ჯარის პოლიტიკური ნიშნით დაყოფა ეწინააღმდეგება ჩვენს სტრატეგიული მიზნებს, კერძოდ, ევროატლანტიკურ ინტეგრაციას. მიზანმიმართული კამპანიით, დამახინჯებული, კონტექსტიდან ამოგლეჯილი სიტყვებით, ჯარსა და უმაღლეს მთავარსარდალს შორის უნდობლობის დათესვა კი ჯარის დემორალიზაციას ემსახურება", — განაცხადა ზურაბიშვილმა მე-10 მოწვევის პარლამენტის პირველ სხდომაზე განაცხადა, სადაც მხოლოდ ქართული ოცნებაა შეკრებილი, რადგან ოპოზიცია ბოიკოტის რეჟიმშია.

პრეზიდენტის რამდენიმე განცხადება ქართული ჯარის შესახებ საზოგადოებისა და ოპოზიციის კრიტიკის საგანი გახდა, რასაც პრეზიდენტი აქამდეც არაერთგზის გამოეხმაურა და აურყო, რომ ქართულ ჯარს პატივს არ სცემს.