დიდი ბრიტანეთის გაერთიანებული სამეფოს უზენაესმა სასამართლომ გადაწყვიტა, რომ მთავრობას არა აქვს უფლება, დაიწყოს ევროკავშირიდან გასვლის პროცესი, სანამ არ ექნება ქვეყნის საკანონმდებლო ორგანოს თანხმობა.

გასულ წელს ჩატარებული რეფერენდუმის მიხედვით, მთავრობას ბრექსითის პროცედურები 2017 წლის 31 მარტამდე უნდა დაეწყო, თუმცა, პოლიტიკოსთა ნაწილი ამბობდა, რომ ამის გაკეთება პარლამენტის ნებართვის გარეშე უკანონო იქნებოდა.

როგორც დღეს გახდა ცნობილი, უზენაესი სასამართლოს 8 მოსამართლემ 3–ის წინააღმდეგ, გადაწყვიტა, რომ მთავრობას არ აქვს უფლება, აამოქმედოს ლისაბონის შეთანხმების 50–ე მუხლი, რაც ევროკავშირიდან გასვლის პროცედურების დაწყებას გულისხმობს.

მიუხედავად იმისა, რომ აღნიშნული გადაწყვეტილებით ბრიტანეთის მთავრობა უკმაყოფილო დარჩა, მას სხვა გზა არ დარჩენია გარდა იმისა, რომ დაელოდოს პარლამენტში გასამართ კენჭისყრას.