თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, ყველამ ერთად უნდა მოიფიქროს რაღაც, პირველ რიგში ჯანდაცვის სამინისტრომ, რომ მიზანმიმართულმა პაციენტებმა, რომელთაც რეანიმაციული დახმარება სჭირდებათ, ეს აუცილებლად მიიღოს.

"ჯანდაცვის სისტემაში უნდა მოხდეს გარკვეული ცვლილებები, რომ ჩვენი ქვეყნის მოსახლეობა, რომელიც შემოგვყურებს თვალებში, შენს იმედზე არიან დარჩენილი, უიმედობა არ დაუნერგო. ჩვენთის, ვერ წარმოიდგენთ, რა ძნელია, რომ ვიღაცას ეუბნები კის, ვიღაცას — არას. პროგრესულად იზრდება ინფიცირებულთა რიცხვი, პროგრესულად იზრდება ლეტალობის მაჩვენებელი, ამიტომ, ერი იქნება, ბერი იქნება, პოზიცია იქნება, ოპოზიცია იქნება, ყველამ ერთად უნდა გავაკეთოთ ერთი რამ — ჩვენი ქვეყნის მოსახლეობა უნდა გადარჩეს", — განაცხადა ლევან რატიანმა.

გუშინ ფორმულას ეთერში ლევან რატიანმა განაცხადა, კორონავირუსის გავრცელება უნდა შეკავდეს და ამისთვის გადაწყვეტილებებია მისაღები.

"არავის ადვოკატი არ ვარ და არავის დამცველი. მე ერთადერთი მინდა ყველას მოვუწოდო და ვთხოვო, როგორც უნდა ისე გაიგოს ყველამ, მოიფიქრონ რამე, რომ ეს ხალხი გადარჩეს", — განაცხადა რატიანმა.

მისი თქმით, საქართველოსთვის კორონავირუსის ყოველდღიური მაჩვენებელი, რომელიც ახლა 4 000 ათასს გაუტოლდა, მაღალია.

"ინფექცია უნდა შეკავდეს. სულ ვიძახდით, რომ უნდა შეკავდეს. ორი გზა ჰქონდა მაშინ სამყაროს, კონსტიტუციური და ლიბერალური. მე არ ვიცი, სამწუხაროდ, ეკონომიკა. ერთადერთი, რაც ვიცი, რაც შეიძლება მეტი გადარჩენილი სიცოცხლე უნდა გვყავდეს, ამიტომ ვიღაცამ რაღაც უნდა მოიფიქროს, რომ ქართველი ხალხი გადარჩეს", — აღნიშნა რატიანმა.