შინაგან საქმეთა სამინისტროს განცხადებით, წერეთელზე, მიკროსაფინანსო ორგანიზაციაზე თავდასხმის საქმეზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას და ყაჩაღობას გულისხმობს.

თბილისის პოლიციის უფროსის, ვაჟა სირაძის განცხადებით, მიკროსაფინანსოში შეჭრილია 1 პირი და მას 9 მძევალი ყავს.

"წერეთლის გამზირზე მოხდა შეიარაღებული თავდასხმა ერთ-ერთ მიკროსაფინანსო ორგანიზაციაში. ადგილზე იმყოფება პოლიციური ჯგუფები. ჩვენი ინფორმაციით, მიკროსაფინანსოში არის 9 მძევალი და 1 შეიარაღებული პირი", — განაცხადა მან.

გავრცელებული ინფორმაციით, თავდამსხმელს აქვს ხელყუმბარა. როგორც სირაძემ ჟურნალისტებს განუცხადა, ამის შესახებ ინფორმაცია არ აქვს.

მიკროსაფინანსო ორგანიზაცია MBC-ში, სადაც თავდამსხმელია შეჭრილი, აცხადებენ, რომ შესაძლებლობების ფარგლებში ყველაფერს გააკეთებენ, პროცესის მშვიდობიანად დასასრულებლად.

ამავე თემაზე: