მუსიკოსი Moby ევროვიზიის ეროვნულ კონკურსში The Mins-ს უჭერს მხარს. ამის შესახებ მუსიკოსი საკუთარ ფეისბუკის გვერზე წერს. მობი ფანებს მოუწოდებს, შესარჩევ კონკურსში მხარი დაუჭირონ The Mins, რომ ჯგუფი საქართველოს სახელით წარდგეს ევროვიზიაზე.

Moby ამერიკელი მუსიკოსია. მას არაერთი მნიშვნელოვანი ჯილდო აქვს მოპოვებული, მათ შორის MTV Video Music Award, Billboard Music Award და სხვა.

ევროვიზია 2017 კიევში ჩატარდება. ევროვიზიის ეროვნული კონკურსის ფინალი საზოგადოებრივი მაუწყებლის პირდაპირ ეთერში 20 იანვარს გაიმართება. სწორედ 20 იანვარს გაირკვევა ვინ წარადგენს საქართველოს ევროვიზიაზე. 25 კონკურსანტიდან გამარჯვებული SMS-ების საშუალებით გამოვლინდება.