თბილისის მერიის დასუფთავების სამსახურმა კეკელიძის ქუჩაზე გაკრული ანტიჰომოფობიური პლაკატი ჩამორეცხა.

პლაკატის ავტორმა მხატვარმა მუსია ქებურიამ ის 17 მაისს, ჰომოფობიასა და ტრანსფობიასთან ბრძოლის დღეს გააკრა. როგორც მხატვარმა On.ge-ს განუცხადა, ის ამ პლაკატით ასევე გამოეხმაურა იმ აქტივისტების დაკავებას, რომლებიც საპატრიარქოს კედელზე აპირებდნენ წარწერების გაკეთებას და რომლებსაც პოლიცია აგრესიულად მოექცა.

ქებურიას თქმით, მისთვის მოულოდნელი არ ყოფილა ანტიჰომოფობიური პლაკატის გაქრობა კეკელიძის ქუჩიდან:

"მოლოდინი არც მქონია, რომ ეგ პლაკატი დიდხანს გაძლებდა, დასუფთავების სამსახურის წარმომადგენელი იქნებოდა, თუ ჩვეულებრივი მოქალაქე, დარწმუნებული ვიყავი, ძალიან მალე ჩამოხევდნენ და შესაბამისად არც, გამკვირვებია ეგ ფაქტი".

მხატვარ მუსია ქებურიას დამზადებული ანტიჰომოფობიური პლაკატი კეკელიძის ქუჩაზე ჩამორეცხვამდე. თბილისი. 18 მაისი, 2016.

ფოტო: ბასტი მგალობლიშვილი / Liberali.ge

დასუფთავების სამსახურის მიერ ჩამორეცხილი ანტიჰომოფობიური პლაკატი კეკელიძის ქუჩაზე. თბილისი. 18 მაისი, 2016.

ფოტო: გვანცა ნემსაძე / On.ge

2016 წლის მარტში, წყალტუბოში, უცნობმა პირებმა სამხატვრო სკოლის შენობის კედლიდან წაშალეს მხატვარ ლია უკლებას ნახატი, რომელიც გაკეთდა პროექტის, ქალი საჯარო სივრცეში, ფარგლებში.

თბილისის ქუჩებში - შენობების კედლებზე, ღობეებსა და ტროტუარებზე, ხშირად შეხვდებით წარწერებსა და პლაკატებს, რომელსაც წლებია, არავინ შლის. On.ge დაუკავშირდა თბილისის მერიის პრესსამსახურს, რათა გაერკვია, რატომ ჩამორეცხა დედაქალაქის დასუფთავების სამსახურმა მხოლოდ ანტიჰომოფობიური პლაკატი მაშინ, როცა მიმდებარე ტერიტორიასა და დედაქალაქის სხვა ქუჩებში სხვა შინაარსის წარწერები და პლაკატები ხელუხლებელია. მერიის პრესსამსახურის თანამშრომლის თქმით, ანტიჰომოფობიური პლაკატის ჩამორეცხვის მიზეზი გახდა ის, რომ მასზე არ არსებობდა არქიტექტურის სამსახურის ნებართვა.

მერია ანტიჰომოფობიური პლაკატის ჩამორეცხვაზე: პლაკატი უნებართვოდ იყო გაკრული

გთავაზობთ დღეს, 18 მაისს, კეკელიძის მიმდებარე ქუჩებზე გადაღებულ (კეკელიძეზე, ერისთავზე და ფალიაშვილზე) სხვა წარწერებისა და სტრიტ-არტების ფოტოებს:

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge