ცოტა ხნის წინ სოციალურ ქსელებში გავრცელდა ვიდეო, რომელმაც უცებ დაიპყრო ინტერნეტი და მაყურებელზე წარუშლელი კვალი დატოვა: ალცჰაიმერით დაავადებული ყოფილი ბალერინა ჩაიკოვსკის გედების ტბის მოსმენისას ცეკვის დავიწყებულ მოძრაობებს იხსენებს.

ვიდეო ესპანურმა ორგანიზაცია Asociación Música para Despertar-მა გაავრცელა, რომელიც მეხსიერების პრობლემების, დემენციისა და ალცჰაიმერის მქონე პაციენტებს მუსიკალურ თერაპიას უტარებს.

ნახეთ ბალეტის მოცეკვავის მართა გონსალესის ემოციური კადრები:

აღნიშნული ვიდეო 2019 წელს ესპანეთის ქალაქ ვალენსიაშია ჩაწერილი. სამწუხაროდ, იმავე წელს მართა გონსალესი გარდაიცვალა.

ამ ფაქტს მსახიობი ანტონიო ბანდერასიც გამოეხმაურა თავის ოფიციალურ ფეისბუქგვერდზე გამოქვეყნებული პოსტით:

"ამ კადრების გავრცელებით მისი გარდაცვალების შემდეგ მართა გონსალესის ხელოვნებასა და ცეკვის მგზნებარე სიყვარულს დამსახურებულ პატივს მივაგებთ".

როგორც ცნობილია, მართა გონსალესი 1960-იან წლებში ნიუ-იორკის ბალეტში ცეკვავდა.