ტელეკომპანია TV პირველის ინფორმაციით, ცესკოსთან აქციის დაშლისას წყლის ჭავლი მათ ოპერატორს მოხვდა, რომელსაც თვალი დაუზიანდა.

"დაზიანდა ჩვენი ოპერატორი, რომელმაც მძიმე დაზიანება მიიღო თვალის არეში", — განაცხადეს ტელეკომპანიის ეთერში.

პოლიციამ მომიტინგეების წინააღმდეგ ისევ წყლის ჭავლი გამოიყენა. სამართალდამცავებმა წყლის ჭავლი მას შემდეგ გამოიყენეს, რაც რამდენიმე წუთის განმავლობაში პოლიციასა და მოქალაქეებს შორის დაპირისპირება იყო.

ვიდეოკადრებიდან ჩანს, რომ სამართალდამცავებმა წყლის ჭავლი საკმაოდ ახლო მანძილიდან დაუშვეს.