ცესკოსთან სპეცრაზმი აქციის მონაწილეების წინააღმდეგ წყლის ჭავლს იყენებს. გაურკვეველია, რატომ გამოიყენა შსს-მ აქციის დაშლის ეს ფორმა.

კადრებში ჩანს, რომ აქციის მონაწილეები ჯებირების მორღვევას და შესვლას ცდილობენ, თუმცა დაძაბულობა მას შემდეგ დაიწყო, რაც ადგილზე სპეცრაზმი გამოჩნდა და მათი დაშლა დაიწყო.

მანამდე ცესკოსთან რამდენიმე ათეული ადამიანი და ამდენივე ოდენობის პოლიციელი იყო. პოლიციელების მობილიზაცია ცესკოსთან მას შემდეგ გაიზარდა, რაც ოპოზიცია პარლამენტიდან მსვლელობით დაიძრა.