წინასწარი შედეგების გამოცხადებიდან 7 საათის შემდეგ, სალომე ზურაბიშვილი ჯო ბაიდენსა და კამალა ჰარისს არჩევნებში გამარჯვებას ულოცავს.

"ჩემი მილოცვა ჯო ბაიდენს. საქართველოს, კავკასიის რეგიონსა და მსოფლიოს სჭირდება თავისუფალი, ძლიერი და დემოკრატიული ამერიკა.

იმედი მაქვს თქვენთან თანამშრომლობის, რომ ჩვენი პარტნიორობა და კავშირები უფრო ძლიერი და ღრმა გახდება", — წერს ზურაბიშვილი.

"როგორც აშშ-ის პირველ ვიცე-პრეზიდენტ ქალს, მინდა პირადად მოგილოცოთ. გისურვებთ წარმატებებს", — წერს ის.

წინასწარი მონაცემებით, ჯო ბაიდენი აშშ-ის 46-ე პრეზიდენტი გახდა, კამალა ჰარისი კი აშშ-ის ისტორიაში პირველი ვიცე-პრეზიდენტი ქალია. ბაიდენს გამარჯვება მიულოცა არაერთმა მსოფლიო ლიდერმა და ის არჩეულ პრეზიდენტად მოიხსენია, ამის ფონზე ტრამპი თავს გამარჯვებულად მიიჩნევს და შედეგებს არ აღიარებს.

დონალდ ტრამპი გახდა პირველი პრეზიდენტი 1992 წლის შემდეგ, რომელიც ამერიკელმა ხალხმა ხელმეორედ აღარ აირჩია.

გაიგეთ მეტი ჯო ბაიდენზე: