ახალქალაქის, კუმურდოსა და კარის მიტროპოლიტ ნიკოლოზს კორონავირუსი დაუდასტურდა. ამის შესახებ მან ვიდეომიმართვაში განაცხადა, რომელიც იუთუბის არხზე გაავრცელა. მისი თქმით, უკვე გამოუვლინდა სიმპტომები და დაუქვეითდა გემოსა და ყნოსვის შეგრძნება.

მიტროპოლიტის თქმით, ტესტი რამდენიმე დღის წინ გაიკეთა და პასუხი მიიღო, თუმცა არ უნდა, რომ ამ პასუხს "დადებითი" დაარქვას, რადგან "სინამდვილეში ეს უარყოფითი პასუხია, ცუდია, რომ დაუდასტურდა".

ნიკოლოზმა ვიდეომიმართვაში აღნიშნა ისიც, რომ მისი შემთხვევის შესახებ პირადად არის ინფორმირებული NCDC-ის ხელმძღვანელი ამირან გამყრელიძე და კორონავირუსთან ბრძოლაში ჩართული იქიმები, რომლებსაც პირადად იცნობს.

ნიკოლოზი ერთ-ერთი ყველაზე აქტიური მოწინააღმდეგე იყო კორონავირუსის გამო ეკლესიებში წირვა-ლოცვისა და ხალხმრავლობის შეზღუდვისა.

გაიგეთ მეტი კორონავირუსზე მისი შეხედულებების შესახებ:

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: