განათლების ყოფილი მინისტრი და ნაციონალური მოძრაობის პოლიტსაბჭოს წევრი, დიმიტრი შაშკინი წინასაარჩევნოდ Deepfake-ების გამოყენების ბრალდების საპასუხოდ ქართული ოცნების ლიდერს, ირაკლი კობახიძეს ურჩევს, "პორნოსაიტებზე ძრომიალს შეეშვას". ამის შესახებ მან მთავარ არხს განუცხადა.

"ბიძინას აბოლებენ, რომ რადგან ხელში ჩაიგდეს საარჩევნო კომისიები, არჩევნებს გააყალბებენ. ის ვერ გაითვალისწინეს, რომ კანონმდებლობა აძლევს საშუალებას ნებისმიერ მოქალაქეს იყოს მეთვალყურე. რაც შეეხება კობახიძის განცხადებას Deepfake-ზე, რთულია ეს ექიმებთან... იმიტომ, რომ უნდა შეწყვიტოს პორნოსაიტებზე ძრომიალი და ყურება, რადგან ეს ტერმინოლოგია იქიდან აქვს", — განაცხადა შაშკინმა.

ქართული ოცნების აღმასრულებელმა მდივანმა, ირაკლი კობახიძემ 26 ოქტომბერს ბრიფინგზე განაცხადა, რომ "რადიკალური ოპოზიცია" Deepfake-ის გამოყენებით მასალებს ამზადებს, რაც, შესაძლოა, არჩევნების წინა დღეს ან არჩევნების დღეს გაავრცელონ.

კობახიძის თქმით, აქვთ ინფორმაცია, რომ ამ პროგრამის გამოყენებით არის დაგეგმილი გარკვეული მასალების მომზადება, მიზანი კი დეზინფორმაციის გავრცელებაა.

დღეს, 27 ოქტომბერს იუსტიციის ყოფილმა მინისტრმა, თეა წულუკიანმა განაცხადა, რომ არჩევნებზე დამკვირვებლად დარეგისტრირებული 129 ორგანიზაციიდან 32 პირდაპირ დაკავშირებულია, ან ამა თუ იმ ფორმით აფილირებული ოპოზიციასთან.

oqგაიგეთ მეტი: