ირლანდიელმა მკვლევარებმა ლიმერიკის უნივერსიტეტში ჩატარებული კვლევების საფუძველზე ადამიანის ორგანიზმში ახალი ორგანო აღმოაჩინეს: უფრო სწორად კი, დაადგინეს, რომ რასაც ფრაგმენტულ ნაწილად თვლიდნენ, სინამდვილეში დამოუკიდებელი სტრუქტურული ერთეულია.

ჯორჯალს, იგივე პერიტონიუმის ფურცელს შინაგანი ორგანოების მუცლის ღრუს კედლებზე დამაგრების ფუნქცია აქვს. აქამდე მიიჩნეოდა, რომ ჯორჯალი, რომელიც კუჭს ნაწლავებთან კავშირებს, რამდენიმე სხვადასხვა ნაწილისგან შედგებოდა.

"ჩვენ უკვე თამამად შეგვიძლია ვთქვათ, რომ გვაქვს ორგანო, რომელზეც აქამდე არ ვიცოდით, რომ ორგანო იყო", - ამბობს ლიმერიკის უნივერსიტეტის პროფესორი კელვინ კოფი.

კვლევის შედეგები, რომლებიც ჟურნალ Lancet-შია გამოქვეყნდა, მეცნიერების ახალი ეპოქის დასაწყისია და გარკვეული დავადებების შესწავლის საფუძველს გვაძლევს.

როგორც პროფესორი აღნიშნავს, ახლა ხელახალი კვლევებია საჭირო ორგანოს ზუსტი ფუნქციების გამოსაკვლევად.

"არ არის გამორიცხული, რომ ეს ორგანო მნიშვნელოვან როლს ასრულებდეს ისეთ დაავადებების წარმოქმნაში, როგორებიც არის: ნაწლავის კიბო, დიაბეტი და ნაწლავების ანთება", - ამბობს პროფესორი კოფი.