მობილური თამაში Among Us წლევანდელი წლის ერთ-ერთი ყველაზე დიდი სიახლეა თამაშების ინდუსტრიაში. Sensor Tower-ის მონაცემების მიხედვით, იგი 2020 წლის მესამე კვარტალის ყველაზე გადმოწერადი თამაში იყო, როგორც iOS App Store-ში, ასევე Google Play-ზე. კომპანიის ცნობითვე, თამაში, რომელიც თავდაპირველად 2018 წელს გამოვიდა, 2020 წლის მესამე მეოთხედში 100 მილიონ გადმოწერას გადასცდა, რაც თვალშისაცემად მეტია, ვიდრე მეორე ყველაზე პოპულარული თამაშის — My Talking Tom Friends-ის — მონაცემი (68 მილიონი).

ფოტო: InnerSloth

ვარაუდობენ, რომ თამაშის პოპულარობა კიდევ მცირე ხანს გასტანს. ამ დროისათვის იგი კვლავ ტოპ-თამაშების ჩამონათვალშია Google Play-ზე. პერსონალური კომპიუტერისთვის განკუთვნილი ვერსია კი, რომელიც $4,99 ღირს, Steam-ზე ყველაზე პოპულარულ თამაშებს შორის მეოთხე ადგილზეა, Counter-Strike-ის, Global Offensive-ის, Dota 2-ისა და PUBG-ის შემდეგ.

Among Us-მა რეკორდი მოხსნა ვიდეო-სტრიმინგის პლატფორმა Twitch-ზეც, სადაც ივლისიდან აგვისტომდე 650 საათის განმავლობაში უყურეს მას. მსგავსი წარმატება ხვდა აპლიკაციას Discord-ზეც. შექმნილი პროდუქტის პოპულარობიდან გამომდინარე თამაშის დეველოპერმა InnerSloth-მა დაგეგმილი გაგრძელების გამოშვება გააუქმა და გადაწყვიტა, პირველ თამაშზე განაგრძოს მუშაობა.