აზერბაიჯანი და სომხეთი ჰუმანიტარულ მიზნით შეთანხმდნენ და ის ძალაში 18 ოქტომბრის 00:00 საათიდან შევა. რადიო თავისუფლების ერევნის ბიურო წერს, რომ ინფორმაციას ამის შესახებ სომხეთის საგარეო საქმეთა სამინისტრო ავრცელებს.

როგორც საგარეო საქმეთა სამინისტროში აცხადებენ, გადაწყვეტილება მინსკის ჯგუფის განცხადებებისა და მონაწილე ქვეყნების პრეზიდენტების შეფასებების საფუძველზე მიიღეს.

მთიან ყარაბაღში დაპირისპირება მთელი დღის განმავლობაში გრძელდებოდა. აზერბაიჯანის პრეზიდენტმა, ილჰამ ალიევმა განაცხადა, რომ რაიონული ცენტრი ფიზული და რამდენიმე სოფელი აიღეს. აღნიშნულ განცხადებას სომხეთმა არ უპასუხა.

განჯაზე ღამით სარაკეტო თავდასხმა განხორციელდა, რომლის შედეგადაც, ოფიციალური ინფორმაციით, 14 ადამიანი გარდაიცვალა და 50-ზე მეტი დაშავდა.

ამასთან, აზერბაიჯანში აცხადებენ, რომ სომხეთის Su-25 და ერთი უპილოტო საფრენი აპარატი ჩამოაგდეს. სომხეთში ამბობენ, რომ მოწინააღმდეგის სამი უპილოტო აპარატი ჩამოაგდეს. ორივე მხარე ერთმანეთს ტყუილში ადანაშაულებს.

საომარი მოქმედებები ყარაბაღში 27 სექტემბერს დაიწყო. აზერბაიჯანიც და სომხეთის პროვოკაციაში ერთმანეთს ადანაშაულებს.

10 ოქტომბერს მოსკოვში მოლაპარაკებებისას ერევანი და ბაქო ტყვეებისა და ცხედრების გადაცვლის მიზნით დაზავებაზე შეთანხმდნენ, თუმცა ის ძალაში ამ დრომდე არ შესულა.