მარველის The Falcon and The Winter Soldier-ის მსახიობები და გადამღები ჯგუფი გადაღებების გასაახლებლად პრაღაში დაბრუნდა.

როდესაც Marvel Studios-მა დააანონსა, რომ ენტონი მაკი და სებასტიან სტანი The Falcon and The Winter Soldier-ის წამყვან როლებს მოირგებდნენ, ეს სერიალი Marvel Cinematic Universe-ის პირველი Disney+ შოუ უნდა ყოფილიყო. გადაღებები 2019 წელს დაიწყო და მათი 2020 წლის გაზაფხულზე დასრულება იგეგმებოდა, პრემიერა კი იმავე წლის აგვისტოში უნდა შემდგარიყო. მიუხედავად ამისა, ყოველივე ეს კორონავირუსის პანდემიის გამო შეიცვალა.

მას შემდეგ, რაც COVID-19 დიდ საფრთხედ იქცა, მარველმა The Falcon and The Winter Soldier-ის პროდიუსირება მარტის შუა რიცხვებში შეწყვიტა. ეს მაშინ გადაწყდა, როცა, როგორც ცნობილია, გადაღებების რამდენიმე დღე ან კვირა იყო დარჩენილი. მართალია, პროდიუსირების დიდი ნაწილი ჯორჯიის შტატში, ატლანტაში, წარიმართა, გადაღებები მალევე შეწყდა მას შემდეგ, რაც The Falcon and The Winter Soldier-მა პრაღაში გადაინაცვლა. ექვსი თვის შემდეგ, ცოტა ხნის წინ, ფილმზე მუშაობა ატლანტაში განახლდა, მაგრამ ისინი, ვინც ფილმზე მუშაობის განრიგი იცოდნენ, მოუთმენლად ელოდნენ, როდის გადმოინაცვლებდა სერიალი პრაღაში.

ახლა დადასტურდა, რომ The Falcon and The Winter Soldier პრაღაში დაბრუნდა. კასკადიორმა ვანესა კეიტერმა, რომელმაც დაადასტურა, რომ ის MCU-ს Disney Plus-ის შოუს გუნდის ნაწილია, თავის Instagram-ის სთორიში რამდენიმე ფოტო და ვიდეო გააზიარა (via MsLizzieHill), რომლებშიც ის და კასკადიორთა დანარჩენი გუნდი თვითმფრინავში ადიან, შემდეგ კი პრაღაში სეირნობენ. მან კასკადიორთა გუნდის რამდენიმე წევრი მონიშნა, მათ შორის ჯონ ნანია და ჯასტინ იტონი, რომლებიც ბაკი ბარნსისა და აშშ-ის აგენტის კასკადიორები არიან, შესაბამისად.

"წინა დღეს სტატია წავიკითხე, თითქოს 'ჭორი ვრცელდებოდა', რომ ისინი პრაღაში იყვნენ... ეს ჭორი არ არის. Falcon and Winter Soldier-ის მსახიობები და გადამღები ჯგუფი მართლაც დაბრუნდნენ პრაღაში"

როდესაც The Falcon and The Winter Soldier-მა თავდაპირველად გადაინაცვლა პრაღაში, იყო მოლოდინი, რომ ეს გადაღებების ბოლო ლოკაცია აღმოჩნდებოდა. მას შემდეგ შოუს გეგმები მნიშვნელოვნად შეიცვალა, თუმცა ჯერ კიდევ სარწმუნოა ის ფაქტი, რომ პრაღა ბოლო დანიშნულებაა. ჯერჯერობით უცნობია, რამდენ ხანს გაგრძელდება ფილმზე მუშაობა პრაღაში, თუმცა MsLizzieHill-მა აქამდე უკვე თქვა, რომ გადაღებების პრაღის ნაწილი ადრეულ ოქტომბერში დაიწყებოდა და ნოემბერში გაგრძელდებოდა.

როგორც ჩანს, მარველი, როგორც იქნა, The Falcon and The Winter Soldier-ის დასრულებას აპირებს. ცოტა ხნის წინ ემილი ვანკემპმა (MCU-ში აგენტი შერონ კარტერის როლის შემსრულებელმა) დაადასტურა, რომ მან სერიალში გადაღებები დაასრულა და, როგორც ჩანს, ეს შოუს ატლანტაში მუშაობის დასასრულს დაემთხვა.

მანამ, სანამ The Falcon and The Winter Soldier პრაღაში გადაღებების გაგრძელებას უსაფრთხოდ მოახერხებს, მისი პრემიერა უფრო და უფრო მოახლოვდება. დისნეიმ უკვე დაადასტურა, რომ შოუ Disney Plus-ზე 2021 წლამდე არ გამოვა, თუმცა ჯერჯერობით პრემიერის კონკრეტული თარიღი არ გამოცხადებულა.