პარტია რეფორმერის მაჟორიტარი დეპუტატობის კანდიდატი საბურთალოს რაიონში მიხეილ კოხრეიძე (იგივე მიკიბო) ამომრჩევლებს შეხვდა და ახალგაზრდებთან მათ პრობლემებზე ისაუბრა.

მიხეილ კოხრეიძემ შეხვედრა სპორტულ ღონისძიებებთან ერთად გამართა. აქციის "ეთამაშე კალათბურთი მიკიბოს" მიზანი ცხოვრების ჯანსაღი წესის დამკვიდრება და პოპულარიზაცია იყო.

"საბურთალოს რაიონში წინასაარჩევნო კამპანიის ფარგლებში შევხვდი ძალიან ბევრ ამომრჩეველს. დღეს გვქონდა შეხვედრა ახალგაზრდებთან. ჩვენ ვისაუბრეთ იმ პრობლემებზე, რაც აქვთ საბურთალოს ახალგაზრდებს. ეს პრობლემები არის მთელ ქვეყანაში - არ არსებობს გარემო ახალგაზრდების განვითარების და პროგრესისთვის. ჩემი მხარდამჭერები ჩაერთვნენ აქციაში "ითამაშე კალათბურთი მიკიბოსთან ერთად", რომელიც ცხოვრების ჯანსაღი წესის დამკვიდრებას და პოპულარიზაციას ემსახურება. დღეს ჩვენ ყველა გამარჯვებულები ვართ. როგორც სპორტულ მოედანზე ვართ ერთნი, ასე ერთად უნდა შევქმნათ ახალგაზრდებმა მომავალი დღეს", — განაცხადა საბურთალოს რაიონში პარტია რეფორმერის მაჟორიტარი დეპუტატობის კანდიდატმა მიხეილ კოხრეიძემ.