"ჩვენი დელეგაცია ქართველი სამხედროებისა და ქართველი ხალხის მიმართ მხარდაჭრის გამოსახატად ჩამოვიდა", - ამის შესახებ საქართველოში სამუშაო ვიზიტის ფარგლებში მყოფმა ამერიკელმა სენატორმა ჯონ მაკკეინმა ნატო-საქართველოს წვრთნისა და შეფასების ერთობლივ ცენტრში ვიზიტისას განაცხადა:

"ისინი იცავენ ამერიკელი ხალხის თავისუფლებას, ისევე, როგორც ქართველი ხალხის. დიდი მადლობა მინდა გადავუხადო ვლადიმერ პუტინს, რომელმაც სამყარო უფრო საშიში გახადა. ვლადიმერ პუტინმა არალეგალურად მოახდინა ამ ქვეყნის ნაწილის ანექსია, თუმცა ერთ დღეს საქართველო ისევ იქნება თავისუფალი, მთლიანი და დამოუკიდებელი. ჩვენი ლიდერი რონალდ რეიგანი ამბობდა, რომ მშვიდობა არის სიძლიერე. თქვენ წარმოადგენთ რონალდ რეიგანის ამ სიტყვების მემკვიდრეობას, რაც მან განაცხადა და ეს იქნება შეტყობინება რუსეთისთვის. მე ღრმად მწამს, რომ ჩვენი ორი ქვეყნის დემოკრატია გაიმარჯვებს. გაიმარჯვებს დემოკრატია, რომელიც დაფუძნებულია თანასწორობაზე და ღირებულებებზე".

საქართველოს თავდაცვის მინისტრმა ლევან იზორიამ ამერიკელი სენატორები ჯონ მაკკეინი, ემი კლობუჩარსი და დალინდსი გრემსი ქართველ სამხედროებს წარუდგინა.

მაკკეინმა მადლობა გადაუხადა ქართველ ჯარისკაცებს საერთაშორისო მშვიდობის უზრუნველყოფაში შეტანილი წვლილისთვის.