დღეს, ნაციონალური მოძრაობის მე-7 ყრილობის საორგანიზაციო კომისიამ პირველი სხდომა ჩაატარა და თავმჯდომარედ პეტრე ცისკარიშვილი აირჩია, ხოლო კომისიის მდივანი ნინო კალანდაძე გახდა.

კომისიის ცნობით, ენმ-ის პოლიტსაბჭოს წევრებმა კომისიის წევრების დაკომპლექტებაში, თხოვნის მიუხედავად, მონაწილეობა არ მიიღეს.

კომისიის განცხადების თანახმად, დანარჩენი წევრების დასახელება შეიძლება მოხდეს ნებისმიერ ეტაპზე. კომისია მოუწოდებს პოლიტიკური საბჭოს წევრებს მონაწილეობა მიიღონ კომისიის მუშაობაში და ყრილობის ორგანიზებაში.

ერთიანი ნაციონალური მოძრაობის მეშვიდე ყრილობა 20 იანვარს გაიმართება.