საქართველოს ბანკის მობილბანკი პირველი ქართული ფინანსური აპლიკაციაა, რომელიც ანდროიდის მომხმარებლებმა მილიონჯერ გადმოწერეს. ამ სტატიაში მოგიყვებით, რა შესაძლებლობები აქვს მობილბანკს და რატომ უნდა გახდეს ის თქვენი ფინანსების მართვის მთავარი ინსტრუმენტი.

ალბათ ბევრს ახსოვს დრო, როცა მარტივი ფინანსური ოპერაციებისთვის ბანკის გრძელ რიგში ვდგებოდით. არც ის სიტუაცია უნდა იყოს უცხო, როცა ბანკომატთან თუ ჩარიცხვის აპარატთან მისვლისას ჩვენ წინ არსაიდან გამოჩნდება ხოლმე ვიღაც, ზარმაცასავით ზანტი, რომლის გამო გეგმებიც კი შეიძლება აგვერიოს. არადა, ყველა ამ დისკომფორტთან დამშვიდობება მარტივადაა შესაძლებელი, როცა მობილურში "ბანკის ფილიალი" გაქვს — ეს საქართველოს ბანკის მობილბანკია.

მეტიც, ახლა, როცა სოციალური დისტანციის ჯერ კიდევ გარდაუვალი აუცილებლობაა, ციფრული მომსახურება ჩვენი უსაფრთხოების შენარჩუნებაში დიდ როლს თამაშობს. მობილბანკის დახმარებით კი არათუ სხვადასხვა სახის გადარიცხვასა და გადახდას შეძლებთ, არამედ გაანაღდებთ გზავნილს, შეუკვეთავთ ბარათს, გახსნით ანაბარს და სხვა უამრავ ტრანზაქციას შეასრულებთ.

და მაინც, რით გამოირჩევა ეს აპლიკაცია?

რა შეუძლია მობილბანკს?

"გადარიცხავთ, სადაც გინდათ; გადაიხდით, რასაც გინდათ; მიიღებთ გზავნილს და საერთოდ, გააკეთებთ იმ ყველაფერს, რასაც ფილიალში აკეთებდით" — განახლებული მობილბანკის ფუნქციებზე ადრე უკვე მოგიყევით, თუმცა აპლიკაცია მუდმივად ახლდება. ის 2017 წლის 29 მაისს შეიქმნა, მისი გუნდი კი წლიდან წლამდე იზრდება; ისინი არ ჩერდებიან, ყოველთვის ფიქრობენ მომხმარებლების მოთხოვნილებებზე და მათ ინტერესებზე მორგებული, დახვეწილი და პრაქტიკული სერვისების შექმნაზე.

დღეს მობილბანკი თქვენს მობილურში არსებული "ბანკის ფილიალია". მისი მეშვეობით დაცული ხართ მოულოდნელობებისგან, რადგან ის საშუალებას გაძლევთ, დაბლოკოთ ან განბლოკოთ ბარათი საეჭვო ტრანზაქციების შემჩნევისთანავე; ასევე, მისი დახმარებით შეგიძლიათ შეასრულოთ ყველანაირი გადარიცხვა, დაფაროთ კომუნალურები, შეავსოთ მობილურის ბალანსი და მიიღოთ ინფორმაცია ფინანსურ და საბანკო პროდუქტებზე; ამგვარად, ისარგებლოთ სრული საბანკო მომსახურებით ნებისმიერ დროს, ნებისმიერი ადგილიდან. ამისათვის კი საქართველოს ბანკის მომხმარებლებს მხოლოდ და მხოლოდ მობილბანკის აპლიკაციის გადმოწერა და მარტივი რეგისტრაციის გავლა დასჭირდებათ.

მობილბანკი უკვე სმარტ ფუნქციებითაცაა აღჭურვილი — აპლიკაციით სარგებლობას მაშინაც კი შეძლებთ, თუკი მობილურზე ბალანსი ან ინტერნეტის მეგაბაიტები აღარ გაქვთ. ამგვარად, დავიწყებას მიეცა ის ნაცნობი სიტუაციაც, როცა მობილბანკში შესასვლელად და ამოწურული მეგაბაიტების შესავსებად ის ინტერნეტი გვჭირდებოდა, რომელიც უკვე აღარ გვქონდა.

მობილბანკში შეგხვდებათ პერსონალური ფინანსური მენეჯერიც — ფუნქციონალი, რომელიც თქვენი ბიუჯეტის ეფექტიანად დაგეგმვაში დაგეხმარებათ. აქვეა ჩატის ფუნქციაც — მართალია, აპლიკაციაში ყველა ოპერაციის შესრულება იმდენად მარტივია, რომ სენსორზე თითის სულ რამდენიმე შეხებას მოითხოვს, მაგრამ კითხვების შემთხვევაში ჩატის დახმარებით პასუხებს დაუყოვნებლივ მიიღებთ.

რაც მთავარია, ეს ყველაფერი არ არის — მობილბანკის შესაძლებლობები უსაზღვროა.

გადმოწერეთ საქართველოს ბანკის მობილბანკი IOS-ისთვის ან Android-ისთვის და შეუერთდით მილიონი გადმომწერის რიგებს.