აშშ-ს საელჩო უზენაესი სასამართლოს მოსამართლის რუთ ბეიდერ გინსბურგის გარდაცვალებას გამოეხმაურა. როგორც საელჩოში აცხადებენ, ისინი გლოვობენ ნამდვილ ნოვატორს არა მხოლოდ სამართლის დარგში, არამედ ქვეყნის ისტორიაში.

"ის ყველა ამერიკელისთვის შთაგონების წყარო იყო. გინსბურგი 34 წელზე მეტ ხანს დაუღალავად იცავდა დაზარალებულთა უფლებებს ადვოკატისა და იურისტის რანგში. [...] უზენაეს სასამართლოში თავისი განსხვავებული აზრის დაფიქსირებით საქვეყნოდ ცნობილი მოსამართლე გინსბურგის არგუმენტები მაგალითი იყო ძლიერი და ამავდროულად თავაზიანი არგუმენტირებისა. მოსამართლე გინსბურგის საქმიანობის შედეგად გაჩნდა მეტი თანასწორობა ქალებისთვის და გარანტირებული უფლებები შეზღუდული შესაძლებლობის მქონე პირთათვის. მისი საქმე კიდევ მრავალ თაობაზე იქონიებს გავლენას მომავალში", — აცხადებენ აშშ-ს საელჩოში.

აშშ-ს უზენაესი სასამართლოს უხუცესი მოსამართლე, ფემინისტი და ადამიანის უფლებებისთვის მებრძოლი რუთ ბეიდერ გინსბურგი 87 წლის ასაკში გარდაიცვალა. ბოლო წლების განმავლობაში ის პანკრიასის კიბოს ებრძოდა.

თავისი საქმიანობით ის ლიბერალიზმისა და ფემინიზმის სახედ იქცა, რომელიც ადამიანის უფლებებისთვის იბრძოდა. მას "კანონის ტიტანსაც" უწოდებდნენ.

ამავე თემაზე: