მორაგბე რამაზა ხარაზიშვილის დაჭრის საქმეზე რაგბის კავშირის ვიცე-პრეზიდენტს, მერაბ ბესელიას პატიმრობა შეუფარდეს. გამოძიება მას ჯანმრთელობის განზრახ მძიმე დაზიანებას და ცეცხლსასროლი იარაღის მართლსაწინააღმდეგოდ შეძენა-ტარებას ედავება.

პროკურატურა ბრალდებულისთვის პატიმრობის შეფარდებას მოითხოვდა, ხოლო დაცვის მხარემ გირაოს შუამდგომლობა დააყენა.

რამზა ხარაზიშვილი 16 სექტემბერს დაჭრეს. როგორც ხარაზიშვილი ამბობს, ბესელია ამ დროს ნასვამ მდგომარეობაში იყო. მისივე თქმით, ვიცე-პრეზიდენტთან მანამდე დაპირისპირება არ ჰქონია და ეს მას შემდეგ მოხდა, რაც საუბრის დროს ბესელიამ "კონტრკითხვაზე პასუხი ვერ გასცა".