თავდაცვის სამინსიტროს ინფორმაციით, საჩხერის სამთო მომზადების სკოლაში ერთ პირს კორონავირუსი დაუდასტურდა. მის ინფიცირებას რუსთავის ე.წ. კლასტერს უკავშირებენ. უწყების ცნობით, სამთო მომზადების ბაზაზე გარეშე პირების შესვლა-გამოსვლა აიკრძალა.

სამინისტროს განმარტებით, კარანტინში რჩება ის 14 სამხედრო მოსამსახურე, რომელთაც უშუალო შეხება ჰქონდათ ინფიცირებულთან. რაც შეეხება საჩხერის სამთო მომზადების ბაზაზე მყოფ დანარჩენ პირებს, მათ ტესტირება უკვე გაიარეს და კორონავირუსი არც ერთ მათგანს დაუდასტურდა.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა.