თბილისის მერიის განცხადებით, 10 სექტემბრიდან პეკინის გამზირსა და მიმდებარე ქუჩებზე ზონალურ-საათობრივი პარკირების სისტემა შედის ძალაში.

პარკირების ახალი სისტემა იმოქმედებს:

  • ჟვანიას მოედნიდან პეკინის გამზირზე სრულად;
  • მიცკევიჩის, ცინცაძისა და ბახტრიონის ქუჩებს (გამრეკელის ქუჩის კვეთამდე);
  • ყაზბეგის გამზირზე (გამრეკელის ქუჩის კვეთამდე);
  • ვაჟა-ფშაველას გამზირზე (ბექას ქუჩის კვეთამდე).

როგორც მერიის სხდომაზე ქალაქის მერმა, კახა კალაძემ განაცხადა, პარკირების საფასური ერთი საათის განმავლობაში ერთი ლარი იქნება.

პარკირების საფასური არ შეეხება:

  • ზონალური პარკირების სივრციდან 100 მეტრის რადიუსში მცხოვრებ მოქალაქეებს;
  • იმ ავტომობილის მძღოლებს, რომლის მფლობელის სახლიც პარკირების მიმდებარე ადგილზეა;
  • ელექტრომობილების მფლობელებს;
  • შშმ პირებს;
  • A კატეგორიის ტაქსის ლიცენზიის მფლობელებს;

ზონალური პარკირებისთვის განკუთვნილი საინფორმაციო ჯიხურები განთავსებული იქნება შემდეგ ლოკაციებზე:

  • ჟვანიის მოედნისა და კანდელაკის ქუჩის კვეთაზე;
  • ვაფა-ფშაველასა და პეკინის ქუჩის კვეთაზე;
  • ყაზბეგის გამზირისა და გამრეკელის ქუჩის კვეთაზე;
  • პეკინის გამზირისა და მიცკევიჩის ქუჩის კვეთაზე;
  • პეკინის გამზირისა და ცინცაძის ქუჩის კვეთაზე;
  • პეკინის გამზირისა და ბახტრიონის ქუჩის კვეთაზე;
  • ბუკიას ბაღთან;
  • პეკინის გამზირი #4-თან.

საფასურის გადახდა შესაძლებელია:

  • ვებგვერდის საშუალებით — TP.ge;
  • მობილური აპლიკაციით. (მოქალაქეებმა უნდა ჩამოტვირთონ აპლიკაცია Tbilisi Parking Play Store-სა და App Store-ს საშუალებით).

სულ ზონარულ-საათობრივი პარკირებისთვის 587 ადგილია განსაზღვრულია. ნებისმიერი პირისთვის 24 საათის განმავლობაში პარკირების 15 წუთი უფასოა.

მერიის განცხადებით, იმისათვის, რომ აღნიშნული ადგილებით მოქალაქეებს უფასოდ ესარგებლათ, მოსახლეობას საინფორმაციო ჯიხურებში საკუთარი ავტომობილების დასარეგისტრირებლად რამდენჯერმე მიმართეს.

თბილისში ზონალური საათობრივი პარკირების საპილოტე პროექტი პირველი აგვისტოდან ამოქმედდა.