"თუ დაიხურებით, კმაყოფილი ვიქნები", — ამ სიტყვებით მმართველი გუნდის დეპუტატმა, დავით მათიკაშვილმა მთავარი არხის ჟურნალისტს მიმართა. ჟურნალისტის კითხვაზე, მიულოცავს თუ არა არხს დაბადების დღეს, მათიკაშვილმა უპასუხა:

"პირდაპირი მიუღებლობა მაქვს თქვენი არხის და ახლა როგორ გითხრათ მეტი. არც დაბადების დღეს არ მოგილოცავთ და თუ დაიხურებით თანახმა და კმაყოფილი ვიქნები.

ამავე საკითხზე მმართველი გუნდის ლიდერმა, მამუკა მდინარაძემ ტელევიზიას "ნაკლები ტყუილები" უსურვა. პატრიოტთა ალიანსის დეპუტატმა, ადა მარშანიამ კი განაცხადა, რომ არხი "უვარგისია" და "არ უნდა არსებობდეს".

მთავარი არხი 1 წლის წინ მას შემდეგ შეიქმნა, რაც ტელეკომპანია რუსთავი 2 თანამშრომლების უმრავლესობამ დატოვა.