საქართველოს კულტურის სამინისტრო სოთბის აუქციონის ორგანიზატორებს მიმართავს, რომ ნიკო ფიროსმანის ტილო "შველი წყლის პირას" რუსული სექციიდან ამოიღოს და მის წარმომავლობას ხაზი გაუსვას:

„შველი წყლის პირას რუსულ სექციაშია შეტანილი, სამწუხაროდ ეს სოთბის სააუქციონო სახლის კლასიფიკაცია და სტრუქტურა გახლავთ. ამ და სხვა შემთხვევაშიც ჩვენთვის ამოსავალი წერტილი უნდა იყოს სწორედ მხატვრის ქართველად მოხსენიება. უწყება გეგმავს შესაბამისი წერილით მიმართოს ორგანიზატორებს და სთხოვოს ავტორისა და ტილოს წარმომავლობის ხაზგასმა".

ნიკო ფოროსმანის შედევრს სოთბის აუქციონზე 7 ივნისს გაიტანენ, მისი საწყისი ფასი კი 150 000 ფუნტი სტერლინგდან იწყება.