პარლამენტის თავმჯდომარე, ირაკლი კობახიძე მიიჩნევს, რომ საკონონმდებლო ორგანოში ადმინისტრაციული ხარჯები უნდა შემცირდეს 10 პროცენტით, თუმცა არა მხოლოდ კადრების გათავისუფლების ხარჯზე. კობახიძემ ამის შესახებ კვირის პალიტრას განუცხადა. მისივე თქმით, ხარჯების ოპტიმიზაციის კუთხით, საკონსტიტუციო კომისია პარლამენტის ადგილმდებარეობაზე მსჯელობასაც დაიწყებს. ამის შესახებ კობახიძემ კვირის პალიტრასთან ისაუბრა:

"ვფიქრობთ, [საპარლამენტო] ხარჯების ორი მილიონი ლარით შეკვეცას მოვახერხებთ. ამაზე პარლამენტსა და მთავრობას შორის კონსულტაციები აქტიურად გაგრძელდება.

პარლამენტის ადგილმდებარეობის განსაზღვრას საკონსტიტუციო უმრავლესობის თანხმობა სჭირდება. ამ საკითხზე მსჯელობას მას შემდეგ დავიწყებთ, რაც საკონსტიტუციო კომისია შეიკრიბება."