სამედიცინო უზრუნველყოფისა და გამოძახებათა მართვის დეპარტამენტის უფროსი, ამირან გოგიტიძე უარყოფს გავრცელებულ ინფორმაციას იმის შესახებ, რომ შატილის გზაზე მომხდარი ავტოავარიისას სამედიცინო ბრიგადებმა რეაგირება დააგვიანეს. მისივე თქმით, ბრიგადები გამოძახებიდან 2 წუთში გაიგზავნა შემთხვევის ადგილზე.

"მინდა, ცალსახად აღვნიშნო, რომ შემთხვევის დაფიქსირებისთანავე, ოპერატიულად მოხდა ცენტრის რეაგირება. მისვლას, რა თქმა უნდა, დაჭირდა გონივრული დრო. როგორც შატილის გზა, ასევე, სხვა გზები, ქვეყანაში არის რთული რელიეფის მქონე. შესაბამისად, აღნიშნულისთვის ცენტრის ავტოპარკი განახლდა მაღალი გამავლობის ავტოტრანსპორტით", — განაცხადა გოგიტიძემ.

ავტოსაგზაო შემთხვევა დუშეთის მუნიციპალიტეტში, სოფელ ბისოს სიახლოვეს, შატილის გზაზე მოხდა. გარდაცვლილია 17 ადამიანი, მძიმედ დაშავდა — 3. სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ითვალისწინებს.