ბაგა-ბაღების მართვის სააგენტოს ხელმძღვანელის, კახაბერ გვანცელაძის თქმით, ბაგა-ბაღების თანამშრომლებს სექტემბრიდან ხელფასები გაეზრდებათ.

"ჯერ კიდევ გასულ წელს საქართველოს პრემიერის და ქალაქის მერის მიერ გაჟღერდა ინიციატივა, რომ ბაღის თანამშრომლებს გაეზრდებოდათ ხელფასები. სწორედ, აქედან გამომდინარე, მიმდინარე წელს უკვე გათვალისწინებულია ხელფასების ზრდა, სექტემბრიდან", — განაცხადა კახაბერ გვანცელაძემ.

მისივე თქმით, ანაზღაურება ფუნქცია-მოვალეობების მიხედვით 10%-დან 20%-მდე მოიმატებს — აღმზრდელ პედაგოგებს და თანაშემწეებს 20-%-ით, სასწავლო ნაწილის კოორდინატორებს — 15%-ით, დირექტორებს 10%-ით და ა.შ.

გვანცელაძის ინფორმაციით, ჯამში, თბილისის მასშტაბთ ხელფასი ბაღების 11 000-მდე თანამშრომელს გაეზრდება.