ლევან სამუშიამ პარტია თავისუფალი დემოკრატები დატოვა. ამის შესახებ მან ფეისბუქის საკუთარ გვერდზე დაწერა.

"მივიღე ჩემთვის ძალიან მძიმე გადაწყვეტილება, დავტოვო პარტია თავისუფალი დემოკრატები. წარმატებას ვუსურვებ თავისუფალ დემოკრატებს! სადაც არ უნდა ვიყო, აქტიურად გავაგრძელებ ბრძოლას "რუსული ოცნების" წინააღმდეგ, ქვეყნის დასავლური მომავლისათვის და ერთხელ და სამუდამოდ საქართველოში სამართლიანობის დამკვიდრებისათვის", — წერს სამუშია ფეისბუქ გვერდზე.

ის ასევე აღნიშნავს, რომ ამ საკითხთან დაკავშირებით დამატებითი კომენტარის გაკეთებას არ აპირებს.