ფეხბურთის ფედერაციის ვიცე-პრეზიდენტ ლერი სულაბერიძეზე თავდასხმას, კლუბი დინამო ეხმიანება. ოფიციალურ ფეისბუქ ანგარიშზე გამოქვეყნებულ განცხადებაში აღნიშნულია, რომ მედიაში გავრცელებული ინფორმაცია, თავდასხმის საფეხბურთო კლუბთან შესაძლო კავშირზე, სიმართლეს არ შეესაბამება.

"სრული პასუხისმგებლობით ვაცხადებთ, რომ საფეხბურთო კლუბ დინამო თბილისის წილებთან დაკავშირებით არ მიმდინარეობს რაიმე სახის სამართლებრივი ან კომერციული დავა არც საქართველოში და არც რომელიმე სხვა ქვეყნის იურისდიქციაში. ამის თაობაზე გავრცელებული ინფორმაცია არ შეესაბამება სინამდვილეს. ამასთან, საფეხბურთო კლუბი დინამო თბილისი არ არის ჩართული რაიმე სახის სასამართლო დავაში, რაც შესაძლოა უკავშირდებოდეს წილების გადანაწილებას ან კლუბის მიმართ რაიმე უფლებების განხორციელებას", — ნათქვამია განცახდებაში.

ფეხბურთის ფედერაციის ვიცე-პრეზიდენტის, ლერი სულაბერიძის მანქანის მიმართულებით 28 ივლისს გაისროლეს. საქმეზე დაკავებულ ირაკლი ღლონტს აღკვეთი ღონისძიების სახით სასამართლომ პატიმრობა შეუფარდა.